Kosova, shteti më i ri i Europës është një destinacion i ri turistik dhe aventuresk për turistët e huaj.

Publikohet tashmë guida e parë monografike në italisht për Kosovën që u ofron turistëve informacione të përgjithshme për të kuptuar vendin përmes historisë dhe kulturës së saj.

Tashmë konsiderohet si një destinacion turistik i paparë ku trashëgimia e botës ortodokse është kombinuar e gjurmët osmane dhe gjallërinë e një populli ndër më të rinjtë në kontinentin e vjetër.

Në monografi thuhet se e gjithë Kosova, ia vlen të vizitohet. “Nga aksesorët arkitektonike të Prizrenit deri te pazari i pamasë i Gjakovës, duke kaluar nëpër peizazhet befasuese të Luginës së Rugovës dhe manastireve të mrekullueshëm mesjetarë, vendi është një befasi e vazhdueshme. Kjo guidë ofron disa itinerare për të zbuluar vendin: hapësira të mëdha, megjithë përmasat e tij të vogla, thesaret kulturore dhe një bukuri të patreguar që zbulohet pak nga pak. Kosova është një vend me bukuri të madhe, ende i egër, të cilin ia vlen ta vizitoni para se ta shohin të gjithë”, thuhet në përshkrimin e guidës.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.