Shkolla “EPAL Tavroniti” në Hania, ku mësojnë dy klasa të gjuhës shqipe  në bashkëpunim me drejtorinë e shkollës organizuan festën për fëmijët.

Programi ishte i larmishëm ku spikatën vallet tradicionale  shqiptare nga ansambli i fëmijëve të shoqatës  “Shoqata e Emigrantëve Shqiptarë në Kissamu Hania”. Gjithashtu nuk munguan vallet tradicionale të Kretës, si dhe gatime të ndryshme  tradicionale shqiptare  dhe vendase të Kretës.

“Na nderuan me pjesëmarrjen  e tyre kryesia e Shoqatës së Emigrantëve Shqiptarë në Hania si dhe  kryetari i Lidhjes së Shqiptarëve Kretë. Falenderojmë  drejtorinë e shkollës, që na mundësoi dhe bashkëpunoi në organizimin  e kësaj feste. Organizime të tilla forcojnë bashkëjetesën në komunitet. Urojmë që vitin e ardhshëm mos të ketë më kufizime  për shkak të COVID dhe   të ketë pjesëmarrës nga e gjithë Kreta”, shprehen organizatorët e festës.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.