Shkolla shqipe “Scanderbeg Parma” në Itali do të kremtojë mbylljen e vitit shkollor 2020-2021 me një projekt të veçantë.

Fëmijët do të prezantojnë punimet e tyre mbi legjendat e librit “Tregime të Moçme Shqiptare”, të autorit Mitrush Kuteli. E veçanta e këtij projekti është se për herë të parë fëmijët kanë punuar me një tekst dy gjuhësh shqip dhe italisht të “Tregime të Moçme Shqiptare” mundësuar nga Qendra e Botimeve për Diasporën.

Lexo edhe: “Tregime të moçme shqiptare”, falas online botimi dygjuhësh shqip-italisht 

Ky është viti i 12-të që shkolla e Parmës vijon mësimin e gjuhës shqipe në Diasporë. Dy vitet e fundit kanë qenë të vështira për shkak të pandemisë, por jo të pamundura. Mësimi nuk është ndërprerë, por ka vijuar online falë punës së palodhur të mësuesve shqiptarë në Diasporë. Erlinda Pjeçi – Mësuese e Ciklit të Ulët; Zamira Shkurti – Mësuese e Ciklit të Ulët; Nertila Dervishi – Mësuese e Ciklit të Ulët; Sabrije Kulla – Mësuese e Gjuhës Shqipe; Mimoza Cerri – Mësuese e Letërsë Shqipe; Elvira Lashi – Mësuese e Muzikës, Kostumeve dhe Traditave shqiptare; Elona Marika – Mësuese e Artit dhe Pikturës; Durim Lika – Mësues i Historisë dhe Gjeografisë së trevave etnike shqiptare, drejtor i shkollës.

Lexo edhe: “Tregimet e Moçme” të Kutelit në pesë gjuhë, projekti më i ri i QBD-së

Ditën e shtunë, 5 qershor, nxënësit të udhëhequr nga mësuesit, do të publikojnë punimet e tyre. Gjithashtu do të shpërndahen edhe dëftesat e 30 nxënësve që kanë frekuentuar këtë vit shkollor.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.