Këngëtarja e njohur e serenatave, Ermira Babaliu prej 26 vitesh jeton në Michigan, SHBA. Ermira Babaliu e ftuar në “E diell” rikujton këngët e saj ndër vite. Këngë që i sollën suksesin që e shoqëroi për të gjithë jetën. Babaliu kujton me nostalgji famën që i solli filmi “Eja”: “Pas filmit “Eja” ishin ditët e para të famës dhe turneu i parë për mua ishte në Bera, ku vajtëm për katër ditë dhe qendruam 14 ditë dhe gjithmonë e kujtoi me nostalgji”.

Babaliu risolli këngën e saj mjaft të njohur “Arapkë moj” dhe pas euforisë që mori nga publiku i pranishëm, ajo tregon se pikërisht kjo eufori i ka munguar në SHBA: “Në këto 25 vite unë e kam ndërtuar jetën me 5 vjeçarë. 2 vitet e para ishim ‘do iki, do rri’, vetëm grindeshim. Unë bëra një kurs parukerie dhe kozmetike dhe tre muaj pasi kasha filluar punë në një sallon thashë ‘Pse berbere do bëhem unë?’ Dhe e lashë. Evaluova diplomën time për filozofi dhe dhashë  vite mësim në shkollë. Në vitin 2005 e lashë dhe atë dhe fillova të merrem me menaxhime show-sh dhe eventesh. Artistikisht në Amerikë e ndjej veten si pupël, pa identitet, sepse identiteti jeni ju. Bëj koncerte, kondoj, organizoj udhëtime me femrat shqiptare, një mënyrë shumë e mirë për të krijuar lidhje njerëzore.”

Ajo është nëna e Dorelës dhe gjyshja e përkushtuar e nipit Landon dhe mbesës, Luna: “Kam një djalë dhe një vajzë, gjithashtu jam bërë dy herë gjyshe. Ndihem shumë e lumtur dhe e realizuar. Mendoj se kam arritur tí ngjis tetë shkallët e jetës. Nipi dhe mbesa erdhën në periudhën ideale dhe është vazhdimi më i bukur i jetës. Mundohem të kaloj shumë kohë me to dhe tí jap shumë dashuri. Fëmijët duhen mësuar me punën që në moshë të vogël.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.