Patentat shqiptare do të njihen edhe në Arabinë Saudite. Qeveria ka miratuar sot në parim marrëveshjen me Mbretërinë e Arabisë Saudite.

Qeveria shqiptare së fundmi ka miratuar në parim marrëveshjen me Mbretërinë e Arabisë Saudite, për njohjen e ndërsjellë të patentave të automjeteve.

Vendimi

Vendim për miratim në parim të marrëveshjes, ndërmjet këshillit të Ministrave të Republikës së Shqipërisë dhe qeverisë së Mbretërisë së Arabisë Saudite, për njohje e ndërsjellë të lejeve të drejtimit.

Në mbështetje të nenit 100 të Kushtetutës dhe të nenit 10, të ligjit nr.43/2016, “Për marrëveshjet ndërkombëtare në Republikën e Shqipërisë”, me propozimin e ministrit të Infrastrukturës dhe Energjisë, Këshilli i Ministrave

V E N D O S I:

Miratimin, në parim, të marrëveshjes, ndërmjet Këshillit të Ministrave të Republikës së Shqipërisë dhe qeverisë së Mbretërisë së Arabisë Saudite, për njohjen e ndërsjellë të lejeve të drejtimit, sipas tekstit që i bashkëlidhet këtij vendimi.

Ky vendim hyn në fuqi menjëherë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.