Në një artikull të publikuar këtë të mërkurë (26 maj) gazeta italiane “La Repubblica” rikthen vëmendjen tek vështirësitë e marrjes së shtetësisë italiane.
Pavarësisht përfshirjes, integrimit dhe kryerjes së të gjitha detyrimeve njësoj si qytetarët italiane, qindra shqiptarë dhe fëmijët e tyre të lindur në Itali nuk kanë ende shtetësinë.
Më poshtë artikulli i “La Repubblica”
Një vogëlushe me flokë bjond, me një triko të bardhë, fund dhe çorape rrozë mbëtetet në një barrierë dhe pret në radhë bashkë me nënë e saj. Fotoja është shkrepur pas saj. Vogëlushja quhet Auri, është pak më shumës e një vjeç dhe po pret të marrë lejen e saj të parë të qëndrimit në kuesturëne Reggio Emilia. Asgjë e çuditshme. Asnjë shkelje e ligjit, përkundrazi është ligji. Sepse Auri ka lindur në Itali, por nga prindër shqiptarë. Tallja? Leja e saj e qëndrimit do të zgjasë vetëm disa muaj dhe më pas do të rrijë sërish në radhë.
Historia e Auri
Nëna e saj Liridona Rexha rrëfen historinë me një foto të postuar në profilin në Facebook dhe të marra nga faqja “Italianët pa shtetësi”.
“Arrita në Itali në moshën 12 vjeç, falë bashkimit familjar me babain tim, sot jam 30 vjeç, jam diplomuar në Biologji dhe Shkenca Edukimi dhe punoj në një kooperativ sociale në Reggio Emilia. Jam duke aplikuar për të marrë nënshtetësinë italiane, por jam në pritje të burokracive për një kohë të gjtë. Bashkëshorti im gjithashtu është shqiptar, dhe pa shtetësi. Auri ka lindur këtu, në Reggia Emilia më 2 prill 2020 dhe nuk konsiderohet italiane”, i thotë ajo La Repubblica.
Radha në kuesturë
“Auri sot ishte në radhë në kuesturë për të marrë lejen e saj të parë të qëndrimit, shkruan Liridona në postimin e saj më 21 maj, ne pritëm në radhë për një kohë të gjatë për të zbuluar në fakt se leja zgjat vetëm një vit. Koha nga bërja e këkesës dhe momenti që e morëm zgjati rreth 8 muaj. E vërteta është se leja do të zgjasë rreth tre muaj dhe do të na duhet ta rinovojmë. Sidoqoftë, kujt i bie ndërmend? Ius Soli nuk është një përparësi, e rëndësishme është që nëna dhe babai i Aurit të paguajnë taksat dhe punën e tyre, ka kohë për shtetësi…:
“Një tallje”
“Më lejoni të jem i qartë – shpjegon Liridona për Repubblica – kuestura bën detyrën e saj, zbaton ligjin. Problemi për mua është në vijimësi. Duke parë vajzën time njëvjeçare të rreshtohej, më bëri të reflektoj dhe të zbutem. Ishin tetë fëmijë të tjerë në radhë. Jo vetëm kaq. Leja u lëshua më 20 nëntor, por data u caktua për 21 maj. Dhe kështu leja që sapo është tërhequr do të skadojë më 25 nëntor. Një tallje”.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
