Lidhja e Gruas Shqiptare në Greqi (Ένωση Αλβανίδων Γυναικών στην Ελλάδα) ka marrë një letër falenderimi nga “Qendra për mirëpritjen dhe solidarizim e bashkisë Athinë”.
Ky është i dyti vit radhazi që LGSHG merr letër falënderimi nga ky institucion për kontributin e dhënë, duke ndihmuar këtë qendër me ilaçe dhe produkte farmaceutike.
Lexo edhe: Lidhja e Gruas Shqiptare në Greqi në ndihmë të refugjatëve në kampin Eleona
Në letrën falenderuese Kryetari i Bordit të KYADA shkruan:
“Anëtarët e bordit të KYADA dhe unë personalisht, dëshiroj t’ju falënderoj nga zemra për kontributin tuaj të qëndrueshëm me ilaçe e produkte parafarmaceutike.
Solidariteti është një çështje kolektive dhe ju e vërtetoni atë me ofertën tuaj duke mbështetur në mënyrë aktive punën tonë në fushën shumë të ndjeshme të shëndetit, duke u dhënë mundësinë njerëzve tanë të kenë qasje në kujdesin mjekësor.
Lëvizje të tilla janë një shembull i cilësisë së kulturës së një vendi, një qyteti, një lagjeje dhe janë një mbështetje e vlefshme në përpjekjet tona për të vazhduar punën tonë në të mirë të shoqërisë.
Duke shpresuar që gjithmonë t’ju kemi pranë, ne mbetemi në dispozicionin tuaj dhe ju urojmë çdo sukses në punën tuaj.
Juaji sinqerisht
Kryetari i Bordit të KYADA
Grigoris Leon”.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
