“Lidhja e Gruas Shqiptare në Greqi” ka ndërmarrë një nismë humanitare në ndihmë të refugjatëve që jetojnë në “Qendrën e akomodimit të Refugjatëve” në Eleona.
Është hera e tretë që “Lidhja e Gruas Shqiptare ne Greqi (Ένωση Αλβανίδων Γυναικών στην Ελλάδα), ndihmon dy qendrat më të mëdha të akomodimit të refugjatëve në Athinë.
LSHGSH ka dashur të shpreh solidaritetin e saj me refugjatët që jetojnë në këtë qendër, ndaj për këtë nismë janë mobilizuar të gjithë anëtarët e shoqatës për të mbledhur ndihma humanitare (veshje, ushqime, batanije, këpucë etj).
Në bashkëpunim me organet kompetente, oferta e shoqatës u pranua, dhe sot më 1 mars 2021, Kryetarja e LGSHG Mirjana Hasalla, së bashku me një aktiviste të Lidhjes Blerinda Karabrahimi, dorëzuan ndihmat e grumbulluara pranë strukturave përkatëse në qendrën e akomodimit të Eleonës.
“Falënderojmë ngrohtësisht të gjitha anëtaret e aktivistet e LGSHG për ndjeshmërinë e solidarizimin. Herën e parë kemi dërguar ndihma në Eleona dhe të dytën në Skisto. Këtë herë sërish në Eleona, kryesisht ndihmat janë rroba për fëmijë e të rritur, batanije, carcafë, këpucë dhe atlete etj.,” tha për “Diaspora Shqiptare” kryetarja e LSHGSH, Mirjana Hasalla.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
