Një emër interesant kanë zgjedhur për restorantit e tyre dy shqiptarët në West Hartford të SHBA-ve, Ermal Caushi dhe Besart Hajdini me ortakun e tyre Chris Carballo.

Emri i thjesht JAR, që në anglisht do të thotë “Just Another Restaurant” (Një tjetër restorant) dhe shërben si bar dhe si restorant.

Për median amerikane ata thonë se emri i restorantit nisi si një shaka mes tyre. “Dikush tha: Gjithçka që West Hartford ka nevojë është një një tjetër restorant”, thotë Caushi duke treguar se e pëlqen këtë.

Shqiptari Caushi ka edhe sipërmarrjen tjetër West Division në West Hartford Center dhe për të JAR zgjidhi një dilemë të jetës së natës.

“Në West Division kemi pasur darka të mahnitshme dhe njerëz plot. Por në qendër nuk duan muzikë me zë të lartë. Ajo është më mirë këtu në periferi dhe doja të bëja diçka për të gjitha moshat”, thotë Ermali.

Me lehtësimin e kufizimeve nga 19 maji gjithçka ndryshon për restorantin prej 5100 metrash katrore. “Të gjithë kanë qenë të mbyllur dhe duan të dalin. Ashtu si shumë restorantë të tjerë, kemi pasur disa vështirësi në punësimin e stafit të mjaftueshëm, por miqtë nga Florida na ndihmuan”, vijon Caushi duke thënë se stafi është plotësisht i vaksinuar dhe pse ai nuk ua ka kërkuar domosdoshmërisht.

Ermali planifikon të sjellë dhe DJ dhe bend live për të pasur një muzikë të mirë, për aq sa e lejon qyteti.

Sakaq, fokusi i menusë janë pjatat e vogla. Sallata, supat, mezetë dhe tapas meksikane që pëlqehen në të gjithë botën duke përfaqësuar kuzhinën e shumë kulturave. Tre nga pjatat e kanë origjinën nga Shqipëria, vendlindja e Ermalit, i cili emigroi në 2003 kur ishte vetëm 15 vjeç.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.