Gilma Boçi ka shkuar në Suedi që në moshën 4 vjeçare. Ajo ka kryer shkollën e mesme në Suedi, ndërsa studimet e larta i ka mbaruar për drejtësi në Norvegji.

“Nuk kam jetuar shumë në Shqipëri po më merr shumë malli se janë gjëra që më lidhin me Shqipërinë, një kulturë, traditat. Patjetër që më mungon, kam qëndruar për pushimet verore”, thotë ajo në emisionin “Boeing 104.6” duke thënë se në Shqipëri për herë të fundit ka qenë në 2015 me partnerin francez.

27-vjeçarja më pas është zhvendosur në Stockholm ku aktualisht po bën një master dhe punon si research assistant.

“Njerëzit me të cilët kam folur e kam njohur patjetër që e njonhin Shqipërinë. Kam përshtypjen që kjo ka ndryshuar shumë se para 20 vitesh shpesh ndodhte të pyesin ku ndodhet. Po sot mendoj se ka ndryshuar shumë, janë shumë njerëz që e njohin dhe e vizitojnë Shqipërinë”, tha më tej ajo.

Në punën e saj si avokate Gilma tregon se shumica e shqiptarëve ende kanë probleme me dokumentet dhe kjo është ndër çështjet kryesore që trajtohen për bashkëkombësit.

Për momentin Gilma jeton në qytetin e Lund, pasi partnerit të saj i është ofruar një punë ATJE, ndërsa Gilma vazhdon studimet online, derisa një ditë të bëhet gjyqtare dhe pse jo të afirmohet si avokate e suksesshme.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.