Java e Pashkës është një nga ngjarjet më të rëndësishme në komunitetin arbëresh. Ndonëse është një festë mirëfilli fetare, në katundet arbëreshe ajo shndërrohet në një festival folklorik, në një paradë zakonesh, folklori, kulinarie etj. Në këto foto kortezi e Sergio Franzese jepet një pasqyre e plotë e asaj çfarë ka ndodhur gjatë kremtimeve të së martës së Pashkës së vitit 1976 në katundin Civita.

Në këtë ngjarje të rëndësishme për komunitetin sipas njoftimit të kohës dita ka nisur me një diskutim publik mbi turizmin dhe folklorin si mjete për vlerësimin e njeriut dhe ambientit. Më pas kanë vazhduar aktivitetet kulturore si “Vallja e Plezit” si dhe spektakli folkloristit me pjesëmarrjen e grupeve arbëreshe nga Acquaformosa, Caraffa; Cervicati-Lungro- S. Benedetto Ullano- S. Cosmo – S. Paolo- Spezzano- Civita etj.

Përgjatë gjithë ditës janë ekspozuar produkte tipike lokale si dhe ekspozita me piktura të artistëve lokal.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.