Shkollat ​​e mesme të Greqisë u rihapën sot pas një mbyllje pesë-mujore për të frenuar infektimin nga Covid.

The Guardian shkruan se me hapjen e shkollave do të merren masa paraprake në mënyrë që të mos ketë shpërthimit të Covid-19.

Disa nga masat që do të marren janë kontrollimi i studentëve dhe profesorëve me teste Covid-i çdo të hënë dhe të enjte. Mensat do të qëndrojnë të mbyllura, ndërsa pushimi mes orëve do të shkallëzohet në mënyrë që të mos krijohen turma të mëdha njerëzish. Gjithashtu nxënësit dhe mësuesit e kanë të detyruar që të mbajnë maska.

Nëse një test do të rezultojë pozitiv, personi duhet të karantinohet për 48 orë. Testi i dytë nëse del pozitiv nxënësi duhet të karantinohet për 14 ditë.

Në Greqi nxënësit e shkollave të mesme kanë bërë mësim online që nga 7 nëntori deri tani.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.