Katër sportiest shqiptarë kanë zbritur sot në fushën e sportit në Turqi. Konyaspor ka marrë një fitore të madhe në udhëtim te Erzurumspor me rezultat 1-2.

Ishte një ndeshje ku tre futbollistë shqiptarë startuan nga minuta e parë, Elbasan Rashani për vendasit e Erzurumspor, derisa Zymer Bytyqi dhe Sokol Cikalleshi për Konyaspor.

Futbollisti i katërt shqiptar që ishte prezent në këtë takim ishte Erdon Daci i Konyas, por që nuk pati minuta për të. Sokol Cikalleshi ishte asistues në golin e parë të skuadrës së tij në minutën e nëntë.

Në minutën e 26-të, ylli nga Kosova, Zymer Bytyqi fitoi një penallti, por që nga pika e bardhë dështoi Sokol Cikalleshi.

Reprezentuesi shqiptar qëndroi në fushë për gjatë 90 minutave për Konyan, ndërsa Bytyqi që ishte ndër më të mirët në ndeshje luajti 75 minuta.

Anësori nga Kosova, Elbasan Rashani që e nisi nga minuta e parë ndeshjen, luajti për gjatë 54 minutave.

Me këtë fitore, Konyaspor ngjitët në vendin e 11-të me 39 pikë, derisa Erzurum mbetet e 19-ta me 27 sosh.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.