Teknologjia po ndihmon tashmë në çdo fushë të jetës ku gjigantët hi-tech gjithnjë e më shumë po fokusohen edhe në shëndetin e njerëzve.

E tillë është dhe risia e Apple Music ku për të ndihmuar njerëzit me belbëzime po përdor këngë të Dua Lipa, Lizzo e shumë të tjerë.

Programi i Apple Musicv quht “Saylists” dhe përdor algoritme për të gjetur tekste këngësh që përsërisin tingujt.

Të përzgjedhura janë 173 këngë që përfshijnë dhe “Don’t Start Novv” të këngëtares shqiptare me famë botërore Dua Lipa.

BBC citon shefin ekzekutiv të Royal College of Speech and Language Therapist, Kaimin Gadhok: Ne jemi të lumtur sa herë që dëgjojmë për qasje inovative që mbështesin terapistët e fjalës dhe gjuhës në punën e tyre. Ashtu si me të gjitha teknikat dhe mjetet e reja, ne rekomandojmë vlerësimin dhe monitorimin efektiv të rezultateve.

Një nga strategjitë më të suksesshme terapeutike për fëmijët që belbëzojnë është përsëritja e tingujve si d, f, g etj. Pikërisht duke përdorur algoritmin, Apple Music analizon tekstet e 70 milionë këngëve në katalogun e saj për të zgjedhur ato që i përsërisin më shpesh.

Belbëzimi prek rreth 1.5 milionë të rritur në të gjithë Mbretërinë e Bashkuar, por mbetet e paqartë pse ndodh kjo.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.