Këngëtari i ri Liridon Tahiri, është lindur dhe rritur në Austri nga prindër shqiptarë. Ai është vetëm në fillimet e karrierës dhe ka publikuar së fundmi krijimin e tij të dytë.

“Besoj që është talent i imi. Muzikën e kam pasur gjithë në gjak, instrumente gjithçka, po më në fund e vendosa të këndoj. Kam bërë dy vjet në Austri muzikë. Tani kam vendosur në Kosovë të nis karrierën për të arritur suksesin”, tha ai.

Tahiri ndjen një pasion të madh për muzikën, prandaj dhe ju dedikua për rreth dy vite studimeve në këtë fushë. Në një intervistë për “RTV 21”, ai tregon rreth jetës dhe planeve të tij artistike. Artisti thekson se motivimin e gjen tek njerëzit dhe fansat e tij, të cilët i shkruajnë se është në rrugën e duhur.

“Më kanë përkrahur familja dhe shoqëria e ngushtë dhe sponsorat që më kanë ndihmuar. Komentet janë shumë të mira dhe më japin motivacion, fansat dhe njerëzit që kanë dëgjuar këngën. Është një send që më thotë “OK Lir mos gabo”, tha ai.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.