Arbëreshët kremtojnë të dielën e Palmës, një festë tradicionale arbëreshe dhe Tommaso Campera na sjell një “pjatë” që është traditë e kësaj dite në fshatin arbëresh Maschito.

Kujtesa për këtë traditë humbet në mjegullën e kohës aq sa emri i kësaj “pjate” identifikohet me të Dielën e Palmës.

Tommaso na jep recetën e Tumacë me Drudhan, makaronë e ëmbël për këtë festë.

Duhen:
Makarona të llojit Tagliatelle me rica, bajame, bukë e thatë si Altamura, majdazon, kanellë, sheqer, një thelpi hudhër.

Përgatitja:
Thërrmojmë me duar bukën e tharë më parë duke i lënë në madhësinë e kripës së trasdhë, në një enë shtypim arrat dhe bajamet të cilat gjithashtu i lëmë në madhësinë e kripës së trashë, shtypim kanellën, pa e grimcuar në pluhur, presim majdanozin, hudhrën dhe mbajmë gati sheqerin.

MBUSHJA E PERBERJES

Në një tigan ngrohim vaj ulliri, duke e trzuar vazhdimisht hedhim gradualisht thërrimet e bukës së thërmuar, arrat dhe bajamet gjithashtu derisa të marrin një ngjyrë të artë. Shtojmë majdanozin e copëtuar dhe thelpin e hudhrës, dhe në fund shtoni kanellën duke e trazuar gjithmonë që të mos digjen. Në këtë pikë shtoni sheqerin sipas dëshirës tuaj për ëmbëlsi.

Kur gjithçka të marrë ngjyrë të artë, por jo të digjet, hiqeni nga nxehtësia dhe shtoni në tagliatelle të gatuara më herët al dente, përziejini dhe lërini të ftohen. Kjo pjatë shërbehet e ftohtë. Për ta shoqëruar mund të pini verë të bardhë me shijë të fortë, pasi rekomandohet të kontrastojë ëmbëlsinë e pjatës.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.