Qeveria greke do të marrë këtë të shtunë masa lehtësuese përsa i përket hapjes së vendit dhe pse shifrat e infektimeve vijojnë të jenë të larta dhe shtrimet në spitale gjithashtu.

Sipas medive greke ky është hapi i parë i relaksimit të situatës së bllokimit, ndërkohë që sezoni i turizmit po afron.

Pritet që ora policore të shkojë nga 19:00 në 21:00, po ashtu qytetarët do të lejohen të lëvizin mes komunave për të ushtruar aktivitete sportive.

Nga e hëna më pas po shihet mundësia e hapjes së parukerive dhe qendrave estetike.
Ndërkohë më 29 mars pritet të hidhet në tryezë rihapja e aktivitetit të shitjes me pakicë.

Në prill më pas, siç ka paralajmëruar dhe kryeministri grek Kyriakos Mitsotakis, pritet të ndërmerren hapat e tjerë lehtësues ndërkohë që Greqia shpreson shumë këtë vit në një çertifikatë vaksinimi, në mënyrë që të presë turistët për sezonin.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.