Portieri shqiptaro-italian Alessio Abibi i cili në merkaton e dimrit u bë pjesë e skuadrës irlandeze të Dundalk shpreson se fitorja e Kupës së Presidentit do të jetë një shenjë e mirë e gjërave që dot ë vijnë në aventurën e tij irlandeze.

Abibi u pa gjatë merkatos së dimrit si një zvendësues i fortë i Gary Rogers, pas largimit të tij.

Dhe pse është në fazën e testimeve javore, portieri 24-vjeçar shkëlqeu të premte kur mbrojti portën nga Rory Gaffney dhe Pico Lopes. Menaxheri i skuadrës, Shane Keegan bëri shaka duke e quajtur Abibin “të çmendur”.

Lexo edhe- Alessio Abibi, një portier shqiptar për skuadrën Dundalk

“Unë nuk u tremba gjatë penalltive. Më pëlqen të shijoj çdo moment dhe ne luajmë për këtë kënaqësi. Ndoshta kjo është arsyeja pse ai thotë se jam i çmendur. Ishte një lojë e çmendur. As unë nuk e dija që shkohej direkt në penallti (pa kohë shtesë)”, ka thënë Abibi.

Lojtari shqiptaro-italian rrëfen se pasi mbaroi loja dhe shkoi në dhomat e zhveshjes atë e përgëzuan duke i thënë “tani ti mund të jesh hero!”.

Ai thotë se ka qenë në shumë vende dhe përshtatet lehtë, përveç…të ftohtit.

“Nga minuta e ’70 e lojës nuk mund ti ndjeja duart e mia. Është shumë ftohtë! Por nuk mund të bëj asgjë për motin”, tha ai.

Në janar të këtij viti Abibi u bë pjesë e skuadrës së Dundalk në Irlandë duke u larguar nga Cavese i serisë C në Itali. Më herët ka luajtur edhe në Shqipëri me Tiranën.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.