Portieri italo-shqiptar Alessio Abibi do të bëhet pjesë e skuadrës së Dundalk në Irlandë dhe lajmi bëhet i ditur nga menaxheri i skuadrës, Filippo Giovagnoli.

Mbajtësit e kupës së Irlandës pritet të konfirmojnë edhe largimin e mesfushorit serb Stefan Colovic, teksa më herët janë larguar Gary Rogers (boshllëkun e të cilit pritet ta plotësojë Abibi) Aaron Mc Carey dhe Jimmy Corcoran.

Abibi është një 24-vjeçar italiano-shqiptar i lindur në Itali por që ka luajtur në nivelin e të vegjëlve për Shqipërinë.

“Alessio është një nga portierët që unë studiova dhe nga të gjithë ata ai ishte me karakteristikat më të mira se si duam të luajmë”, ka thënë Giovagnoli.

“Ai është i madh, me të vërtetë i mirë, i fortë në pozicione mbrojtëse, trim dhe i mirë në top gjatë zhvillimit të lojës. Gjithashtu, i ri, vetëm 24 vjeç dhe është një lojtar që ne mund ta zhvillojmë. Ka një të ardhme të shkëlqyer para”, vijon ai.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.