Më datë 7 mars “Shoqata e Bashkësisë Shqiptaro-Kanadeze” nisi ciklin e seminreve online për shëndetin e të moshurave. Kjo nismë synon të jetë pranë të moshuarve të izoluar për shkak të masave shtënguese ndaj COVID-19.

Seminaret e kordinuara nga Dr. Ruki Kondaj do të jenë të përjavshëm dhe mund të ndiqen falas.

Lexo edhe: Kanada/ Cikël seminaresh online për shëndetin e të moshuarve

Në seminarin e dytë referoi Dr. Juliana Gorja, Mjeke e Familjes dhe Lektore e Jashme në Universitetin  e Torontos, Departamenti i Mjekësisë Familjare dhe Komunitare.

Tema e trajtuar ishte “Kujdesi për të Moshuarit në kohën e Covid-19”, një temë e cila u ndoq me shumë interes nga të pranishmit në platformën Zoom.

Në seminarin e parë përshëndeti këngëtarja e njohur Irma Libohova, ndërsa këtë herë këngëtarja e cila krijoi një atmosferë ndryshe ishte Alida Hisku.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.