Më datë 7 mars “Shoqata e Bashkësisë Shqiptaro-Kanadeze” do të nis seminarin e parë online për shëndetin e të moshurave. Kjo nismë synon të jetë pranë të moshuarve të izoluar për shkak të masave shtënguese ndaj COVID-19.

Seminaret do të jenë të përjavshëm dhe mund të ndiqen falas. Në seminarin e parë do të referojë Dr. Ruki Kondaj, doktoreshë e shkencave farmaceutike, njëkohësisht ideatore dhe koordinatore e këtij projekti. Tema e përzgjedhur në seminarin e parë është “Stresi dhe Menaxhimi i tij”.

Në vijim do të trajtohen tema të ndryshme, nga ekspertë shqiptarë të fushës së shëndetësisë në Kanada.

SHBSHK Toronto është një organizatë jo-përfituese që do i ofron një zë bashkësisë shqiptare të Ontarios, duke ndihmuar në zhvillimin e kulturës, artit dhe trashëgimisë shqiptare në Ontario. Kjo shoqatë prej tre dekadash vepron pa ndarje fetare, politike apo krahinore për të ruajtur frymën kombëtare shqiptare në Kanada. Ajo e kryen këtë nëpërmjet kultivimit të vlerave, kulturës, traditës kombëtare dhe gjuhës shqipe, si dhe ofrimit të shërbimeve të shumëllojshme për grupmoshat e ndryshme në bashkësinë shqiptare. Gjatë gjithë këtyre viteve është përpjekur me përkushtim për një përfshirje të nderuar të bashkësisë shqiptare në shoqërinë kanadeze, rritjen e vlerave dhe emrit të shqiptarëve në Kanada, përfaqësimit sa më të plotë të tyre në struktura të ndryshme shtetërore e shoqërore si të barabartë mes gjithë kombësive të tjera në përbërje të shoqërisë shumë-kulturore kanadeze.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.