Mjeku shqiptar Julian Balla, i cili punon në Breshia të Italisë, tregon rreth situatës së pandemisë në vendin fqinj. Ai flet edhe për arsyet e mundshme të rëndimit të situatës në popullatën italiane.
“Gjendja e vaksinimit nuk është aty ku shpresohej në këto momente dhe masat e liruara para 3 javësh, qarkullimi i njerëzve, sjell dhe qarkullimin e virusit”,- shprehet mjeku Balla.
Sipas tij procesi i vaksinimit nuk është në nivelin e duhur: “Hapat e ngadaltë të vaksinimit është një ndër shkaktarët për agravimin e situatës. Ritmi I vaksinimit është shumë I ngatdaltë. Janë një sërë faktorësh që ndihkojnë. Në fillim ishte numri i ulët I vaksinave, dhe më pas organizimi I qendrave të vaksinimit nuk ka qenë në pritshmërinë e duhur. Në spitalin ku unë punoj nuk ka skepticizëm.
I pyetur nga gazetari i “Euroneës”, për vaksinën AstraZeneca dhe cilësinë e saj, Balla shprehet: “AstraZenica për mendimin tim personal nuk ka asnjë efekt anësor të rëndë. Në SHBA unë kam miq dhe nuk ka pasur asnjë rast me probleme për shkak të kësaj vaksine Në Itali janë vaksinuar rreth 1 milion persona dhe deri tani dyshohet se një person ka ndërruar jetë pas vaksinimit.”
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
