Kryeministri Edi Rama ka përshëndetur arritjen e marrëveshjes mes Shqipërisë dhe Italisë për njohjen e patentave, duke u shprehur se hapi i radhës do të jetë njohja e pensioneve mes dy vendeve.
“U tha u bë. Nga sot lejet e drejtimit të shqiptarëve njihen si dokument zyrtar në Itali. Tani hapi tjetër i domosdoshëm është njohja e pensioneve mes dy vendeve, që me angazhimin serioz të të dy qeverive nuk do të vonojë”, shkruan Rama në Facebook.
Lexo edhe- Shoqatat shqiptare në Itali nisin lobimin për njohjen e pensioneve
Takime dhe diskutime mbi çështjen e pensioneve dhe kontributeve që shqiptarët kanë derdhur në Itali janë temë diskutimi dhe një nga kërkesat e shqiptarëve në Itali të cilët prej 30 vitesh tashmë janë pjesë e integruar e ekonomisë italiane. Numri i emigrantëve shqiptarë në Itali është i konsiderueshëm edhe nga pikëpamja e derdhjes së kontributeve të tyre të cilat përgjatë një periudhe 30 vjeçare arrijnë shifrat 13 miliard euro, plus depozitat e tyre me rreth 1 miliard euro në bankat Italiane (viti.2019).
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
Posted by Edi Rama on Friday, 12 March 2021