Albert Troci, mjeku shqiptar në Milano të Italisë, tregon lidhur me situatën në Itali dhe zhvillimet gjatë një viti që nga fillimi i pandemisë Covid-19, vështirësitë dhe deri te të panjohurat e tij. Gjithashtu ai flet edhe për vaksinën dhe thotë se nuk e beson se do të kishte vaksinë kaq shpejt.

“Jo gjithçka shkoi mirë, nëse kujtojmë shprehjen “Do të shkoj çdo gjë mirë”. Viktimat ishin të shumta. Ende ka të panjohura për virusin, por fillimi ishte shumë i vështirë dhe as ne nuk dinim si të sillemi. Tashmë ka kaluar një vit dhe kemi bërë hapa përpara. Asnjë nga ne nuk e mendonte se brenda një viti do të kishim në dispozicion kaq shumë vaksina. Duke llogaritur afatin e realizimit të një vaksine, ne mendonim minimalisht Brenda 2-3 viteve”, shprehet Troci.

Përsa i përket shkencës dhe parashikimeve që u bënë dhe shpesh nuk rezultuan të sakta, mjeku Troci shprehet , në emisionin “Shqipëria Live” se mjekësia nuk është një shkencë ekzakte dhe gjithashtu e gjeti veten të përgatitur për një situatë të tillë.

“Mjekësia nuk është një shkencë ekzakte. Nga ana shëndetësore kjo ka qenë katastrofa më e madhe që nga viti 1918, ku humbën jetën më shumë se 50 milion banorë.”

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.