“Dy dekada në shërbim të arsimit, 2 dekada në përçimin e vlerave patriotike, atdhetare te fëmijët shqiptarë në emigrim. 2 dekada përpjekje, sakrifica, mund, që janë kurorëzuar me suksese dhe arritje”.
Në ditën e shënuar të arsimit shqip, “Lidhja e Mësuesve Shqiptarë në Greqi” organizoi një aktivitet kulturoro-artistik, me fëmijët e 16 kurseve të mësimit plotësues të gjuhës shqipe dhe kulturës shqiptare. Nxënës shqiptarë që jetojnë në Kretë, Kavalla, Selanik, Athinë, Artemidha etj., përshëndetën mësuesit e tyre në një aktivitet kulturor.
Një aktivitet që, pavarësisht pandemisë dhe mbylljes në Greqi, u realizua online, mblodhi bashkë mësues, nxënës, prindër, gjyshër, të ftuar nga vende të ndryshme të Diasporës, ku flitet e mësohet shqip. Për mësuesit shqiptarë në Greqi është shumë e rëndësishme që pridërit tí mësojnë fëmijëve gjuhën shqipe dhe tí tregojnë për rrënjët e tyre.
Të pranishmëm në këtë event ishin: drejtoresha e Qendrës së Botimeve të Diasporës, Mimoza Hysa, Aurela Konduri, Oficere koordinuese për Diasporën, pranë Konsullatës Shqiptare në Selanik; si dhe anëtare e KKAD-së. Joneda Dodaj, Oficere koordinuese pranë Ambasadës Shqiptare në Athinë. Ymer Avdiu, funksionar në Ministrinë e Diasporës dhe Investimeve Strategjike të Kosovës; Nuhi Gashi, ish funksionar në Ministrinë e Arsimit Shkencës dhe Teknologjisë të Kosovës, Jovan Mëhilli, Kryetar Nderi i LMSHG-së; Dhimitra Malo, mësuese nismëtare e MPGjSh-së në Greqi; përfaqësuese nga shoqata “Ardhmëria” në Londër znj. Aida Haziri, Koordinatore mbikëqyrëse e shkollave të gjuhës dhe kulturës shqiptare të shoqatës “Ardhmëria” dhe Anila Kadija përfaqësuese e KKAD-së; Hazir Mehmeti, mësues i Gjuhës Shqipe dhe shkrimtar në Austri; Elona Marika, përfaqësuesja e shkollës shqipe “Skanderbeg” të Parmës, Itali; Bledi Mile, Drejtor i Qendrës Kulturore “Shtëpia Shqiptare Porta”, Athinë – Greqi; Ermal Sulaj, Kryetar i Komunitetit Shqiptar në Greqi; Irfan Abazaj, Kryetar Nderi i Shoqatës Shqiptare Korinth, Greqi; Agapi Gjika, Kryetare e Lidhes së Gruas Shqiptare në Greqi; Etleva G. Mançe, mësuese e gjuhës shqipe në Këln, Gjermani; Murat Koci, shoqata “Iliria”, Suedi; Melita Oreskoviç, mësuese e gjuhës shqipe në Zagreb, Kroaci; Teuta Tabaku, mësuese e gjuhës shqipe, Bursa; Fatmire Ismaili, mësuese e gjuhës shqipe në Suedi
Juli Ndriko, gazetare në televizionin “Tribuna”; Ira Londo, gazetare. Stela Arhondaqi, Nënkryetare për çështjet e arsimit të brezit të ri, Iraklio, Kretë.
Takimi u hap nga Kryetarja e Lidhjes së Mësuesve Shqiptarë në Greqi, Anila Velaj Kila, që i uroi mësuesit për festën e tyre, i përgëzoi për punën e palodhur dhe të përkushtuar të tyre. Puna e LMSHG-së, u paraqit nëpërmjet një materiali filmik, të përgatitur nga mësueset Alma Zekollari dhe Mimoza Hida. Mallëngjim e nostalgji ngjallën ato pamje filmike, për punën, vetëmohimin e sakrificën e mësuesve të Lidhjes, që pavarësisht vështirësive, nuk janë stepur, kanë ecur përpara me më shumë forca e këmbëngulje.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
