Kryeministri Edi Rama së bashku me Ministrin e Shtetit për Diasporën, Pandeli Majko, Ministren e Shëndetësisë Ogerta Manastirliu etj., ndodhet sot në Itali në kuadër të 30 vjetorit të eksodit shqiptar. Pas takimeve me ministrin e Jashtëm dhe zyrtarë të lartë, shefi i qeverisë ka bërë homaxhe në vendin ku humbi jetën shqiptari i madh Luigj Gurakuqi në Bari.

Rama, i shoqëruar nga ministrat Manastirliu, Ahmetaj, Majko dhe Kushi, ka vendosur një kurorë me lule në vendin përkujtimor, ndërsa më pas kanë bërë edhe një foto të gjithë së bashku.

Kujtojmë se kryeministri Edi Rama që prej ditës së djeshme është për një vizitë zyrtare në Itali, në kuadër të 30-vjetorit të eksodit shqiptar.

Lexo edhe: 96 vite më parë u nda nga jeta Luigj Gurakuqi, veprimtar i çështjeve kombëtare

Edi Rama ka marrë ditën e sotme një dhuratë shumë të veçantë nga një piktor, i cili ka qenë fans i tij që para se të bëhej kryeministër. Është një shqiponjë që qëndron mbi anijen me të cilët shqiptarët udhëtuan drejt Italisë 30 vite më parë. Ndërkohë, kryebashkiaku i Barit Antonio Decaro i dhuroi edhe ikonën  e shenjtores Shën Nikolla.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.