Shkrimtarja shqiptare Ismete Selmanaj Leba ka sjellë librin e saj më të fundit në Itali me titullin “Presunzione di colpevolezza” (Prezumimi i fajit).

Libri botohet nga Calibano Editore me parathënie të shkruar nga profesoresha Rosetta Vitanza. Libri flet për vrasjen brutale të një studenteje në një kampus universitar të Gainsenville të Floridas dhe dënimin e vrasësit të saj. Një histori që vë në pikëpyetje të madhe mbi pagabueshmërinë e formulës “përej çdo dyshimi të arsyeshëm” dhe në pasojat tragjike të një gabimi gjyqësor. Libri do të dalë në shitje që prej 8 marsit.

Shkrimtarja shqiptare Ismete Selmanaj Leba ka lindur në Durrës dhe në 1991 është diplomuar në Universitetin e Tiranës në Fakultetin e Inxhinierëisë së ndërtimit, por pasioni për letërsinë që e ka shoqëruar që nga fëmijëria dhe nuk e braktisi kurrë, i ka dhënë asaj çmime të shumta letrare.

Ismete ka jetuar krizën politike shqiptare të viteve ’90 dhe prej vitit 1992 largohet drejt Italisë ku prej atëherë jeton në provincën e Mesinës.

Me Bonfirraro në 2015 botoi librin e suksesshëm “Virgjëri e rrëmbyer” libri i parë i saj në italisht bashkë me romanin e dytë “Fëmijët nuk kanë kurrë faj” në 2016-tën. Këto dy libra janë miratuar nga katedra e “Kulturës dhe Letërsisë Shqiptare” në universitetin e Palermos.

Autorja shqiptare Ismete Selmanaj Leba është vlerësuar me disa cmime në vitin 2020, përmendim çmimin “Ndërkombëtar për Paqen 2020”, si dhe me çmimin e tretë në ndarjen e çmimeve ndërkombëtare të “Inventa un Film”, festivali më i rëndësishëm mbi filmat me metrazh të shkurtër në Itali.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.