Varianti britanik i virusit po bëhet dominant në Itali pasi 50% e rasteve në ditët e fundit janë shkaktuar prej tij thotë mjeku shqiptar atje Albert Troci.

Duke folur për emisionin “ABC-ja e mëngjesit”, Troci u shpreh se vihet re një rritje e infektimit të moshave të reja, ndërsa shtoi se javët e ardhshme pritet të jenë më të vështira.

“50 përqind e rasteve të reja janë shkaktuar nga variant i ri britanik që ka një kapacitet më të lartë ngjitës, 40-70 përqind dhe sidomos pjesa më e rëndësishme është ulur dhe grupmosha e pacientëce që infektohen. Nga kurba e këtyre ditëve, këto 2-3 javët e ardhshme do të jenë dhe më të vështira, se ka patur rritje të numrit të shtrimeve në spitale dhe në terapi intensive, dmth që varianti britanik po bëhet domimant në Itali.” u shpreh mjeku.

Përsa i përket rasteve të riinfektimeve, mjeku tha: “ Përsa i përket pacientëve dhe moshës së tyre që janë shtruar është ulur pak, akoma fatalitetet nuk janë rritur në këto grupmosha të reja por mund të them që besohet se nuk është më fatal se varianti precedent dhe kjo është pozitive, por nuk kemi akoma shumë të dhëna të forta që na japin me siguri se si sillet ky virus në grupmoshat më të reja.”

Për Shqipërinë mjeku është i mendimit se duhet të ketë shtrëngim të masave.

“Duke patur shifrat që pasqyrohen , nëse kemi më shumë se 460 raste për 100 mijë banorë, është për të treguar se futesh në zonë të kuqe, kemi mbingopje dhe të sistemit shëndetësor në pikat rajonale, kemi vetëm ajkën e të dhënave dmth në popullsi kemi një qarkullim të virusit shumë të lartë dhe rastet janë shumë të larta. Besoj se duhet një shtrëngim më i fortë për të bllokuar këtë rritje drastike që ka patur Shqipëria këto muaj.”, tha mjeku.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.