Në Greqi ka nisu procesi i shpërndarjes së librave të parë në gjuhën shqipe, si pjesë e nismës  “Dhuro Libra”. Këtë fundjavë Përfaqësuesit e Ambasadës vizituan Departamentin  e Grave në “Burgun Korydallos”, ku u takuan me Drejtoreshën e këtij institucioni, punonjësit social dhe disa prej shtetasve shqiptare që vuajnë heqjen e lirisë së tyre të cilëve u dhuruan librat. Gjithashtu gjatë takimit morën një pasqyrë mbi situatën e përgjithshme, u informuan mbi gjendjen shëndetësore të shtetasve dhe dëgjuan kërkesat e nevojat e tyre.

Librat e dërguar nga Ministri i Shtetit për Diasporën, Ministria e Drejtësisë së Republikës së Shqipërisë, në bashkëpunim me Ministrinë për Evropën dhe Punët e Jashtme, Agjencinë Kombëtare për Diasporën dhe Qendrën e Botimeve janë të destinuar për krijimin e një fondi më libra shqip për shtetasit shqiptarë që vuajnë heqjen e lirisë pranë Institucioneve të Ekzekutimit të Vendimeve Penale në Greqi. Këtij kontigjenti i janë bashkëngjitur edhe donacione nga shoqata shqiptare në Greqi.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.