Teksa më herët është bërë e ditur se pika kufitare e Kapshticës do të qëndrojë e mbyllur deri më 8 mars, Greqia ashpërson masat anticovid duke kufizuar dhe lëvizjet nga pika kufitare e Kakavijës.

Nga hyrjet tokësore në tokën greke nga dita e hënë data 1 Mars në orën 6 të mëngjesit deri të hënën datë 15 Mars në 6 të mëngjesit, do të futen vetëm 400 persona në ditë.

Orari i hyrjes për këto pika doganore kufitare do të jetë nga ora 7.00 e mëngjesit deri në 7.00 të pasdites dhe këtu përfshihet edhe hyrja e kamionëve të mallrave, në vend të orarit të mëparshëm që ishte nga ora 7.00 deri në 23.00.

Zv/ministri grek i Mbrojtjes Civile dhe Krizave ka deklaruar se përveç shtyrjes së lockdownit për Attikën edhe për një javë, do të ketë edhe masë për doganat e Kakavijës dhe Evzonon për të shmangur shpërndarjen e pandemisë së COVID.

“Nga hyrjet tokësore në tokën greke nga dita e hënë data 1 Mars në orën 6 të mëngjesit deri të hënën datë 15 Mars në 6 të mëngjesit, do të hyjnë në fuqi këto masa për doganat e Kakavijës dhe Evzonon. Orari i hyrjes për këto pika doganore kufitare do të jetë nga ora 7 e mëngjesit deri në 7 të pasdites dhe këtu përfshihet edhe hyrja e kamionëve të mallrave, në vend të orarit të mëparshëm që ishte nga ora 7 deri në 23.00. Limiti prej 700 personash që mund të hynin në këto pika ,tashmë do të jetë 400 vetë në ditë. Gjithashtu në këto pika tashmë do të ketë testet e shpejta për këdo që hyn në vend duke përfshirë edhe shoferët e kamionëve të mallrave”, tha Nikos Hardhalias, zv/ministër i Mbrojtjes Civile dhe Krizave.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.