Zvicra ka vendosur të ndërmarrë masa të reja në kufi në përpjekje të saj për të parandaluar përhapjen e koronavirusit.

Ndërkohë, prej 8 shkurtit dihet tashmë që është i detyreshëm testi para se të hyni në Zvicër nëse udhëtoni me avion dhe përveç testit që duhet të jetë negativ ekziston dhe karantina dhjetë ditore.

Ky detyrim për karantinë zbatohet vetëm për “vendet në rrezik” në listën e Zyrës Federale të Shëndetit Publik (OFSP/BAG). Në listen e re të bërë publike të premten nga ky autoritet ëhtë futur dhe Shqipëria bashkë me Serbinë, por jo edhe Kosova. Lista ne fjalë hyne në fuqi sot, (22 shkurt).

Numri i infeksioneve, sikur edhe i viktimave në Zvicër si pasoje e pandemisë COVID-19 ka vijuar të bjerë javët e fundit. Situata epidemiologjike mbetet e brishtë ne Zvicër, megjithatë, për shkak të llojeve të reja ngjitëse të virusit.

Në mbledhjen e saj më 17 shkurt 2021, Këshilli Federal analizoi situatën, duke propozuar një relaksim të kujdesshëm dhe gradual, në mënyrë që t’i jepet më shumë hapësirë ​​jetës ekonomike dhe sociale duke shmangur sa më shumë që të jetë e mundur një valë të tretë epidemike, njofton gazeta zvicerane ne shqip “Le Canton27.ch”, duke ju referuar burimeve te Ministrise se Shëndetësisë (OFSP/BAG) ne Bernë.

Hapi i parë është të autorizohen vetëm aktivitete me një rrezik të kufizuar të ndotjes. Dyqanet, muzetë dhe sallat e leximit të bibliotekave duhet të jenë në gjendje të rihapen nga 1 Mars, si dhe zona të jashtme në kopshte zoologjike dhe kopshte botanike, si dhe ambiente sportive dhe të kohës së lirë. Këshilli Federal planifikon lehtësimin e parë të kujdesshëm nga 1 Marsi.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.