Marko Kepi po kandidon përsëri, këtë radhë për anëtar në Këshillin Bashkisë së Qytetit të New York si Republikan për Qarkun 50 në Staten Island, sipas “ShorefrontNews”.
Kepi, një marins i Shteteve të Bashkuara, ka qenë i përfshirë në politikën lokale republikane që nga adoleshenca e tij, shkruan portali ishullor “ShorefrontNews”, duke përfshirë një mandat në zyrën për ish Senatorin e Shtetit Marty Golden.
Po ashtu ai ka qenë i angazhuar dhe për fushatën presidenciale të Kryetarit të Bashkisë Rudy Giuliani në 2008.Sipas portalit “ShorefrontNews” Kepi, u diplomua në kolegjin “John Jay” në NY, dega e Drejtësisë Penale, me drejtim në Shkencë Politikë dhe minorim në Histori, dhe më pas fitoi Masterin në degën e Administrimin Ekzekutiv të Biznesit (EMBA) nga Kolegji Wagner.
Ai aktualisht është Presidenti i Organizatës Albanian Roots – Rrënjët Shqiptare, një organizatë jo qeveritare dhe jo përfituese regjistruar në seksionin 501 (c) (3) për korporatat jofitimprurëse, në New York, e cila thotë se është një organizatë e komunitetit shqiptar që kërkon të “mbrojë interesat e diasporës shqiptare përmes aktiviteteve kulturore, lëvizjeve aktiviste”.
Portali “ShorefrontNews” i cili është i pari që “zbulon” ambicien e Kepit për të garuar fillimisht në partinë Republikane për kandidat për anëtar të Këshillit Bashkiak të New Yorkut shkruan se:
“Kjo nuk është hera e parë që Kepi hedh “kapelën” e Marinsit për veshur përsëri “kostumin” e politikanit, pasi vitin e kaluar ai kishte kandiduar për Asamblenë e Shtetit të New York, duke humbur ndaj asambleistit aktual Michael Tannousis.”
Kepi po sipas portalit”ShorefrontNews”, ka shumë mbështetje në bazën republikane në ishullin njujorkez Staten Island – aty dhe ku banon , por gjithsesi ai do të përballet me një grup kundërshtarësh “potencial” republikan, figura shumë të rëndësishëm në zgjedhjet paraprake të Republikanëve.
Së pari i rëndësishëm sipas “ShorefrontNews” mendohet të jetë David Carr, i cili është Shefi i Shtabit për Këshilltarin aktual, por ndoshta edhe Steven Matteo me afat të kufizuar, si dhe Sam Pirozzolo, George Wonica dhe Kathleen Sforza .
Ndërsa, po në Qarkun 50 të ishullit njujorkez Staten Island nga demokratët do të jetë në garë politikani i karjerës Sal Albanese, një ish-Këshilltar i Qytetit, i cili gjithashtu ka provuar të kandidoi disa herë por pa sukses. Ai ka kandiduar për Asamblenë e Shtetit të New York-ut, Kongresin e Shteteve të Bashkuara dhe për Kryebashkiak të Qytetit të New York-ut, ndërkohë që tani ai po kandidon pa kundërshtar në partin demokrate në zgjedhjet paraprake në qershor, i vetëm si një Demokrat./ Nga Beqir Sina
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
