Nuk mund të qëndronte indiferente ndaj njerëzve ne nevojë, në këto ditë ku temperaturat shënojnë minus dhjetra gradë në Gjermani, shqiptari  Nazmi Aruqi.

Duke u kthyer pas në kohë dhe rikujtuar pritjen që Gjermanët  i kishin bërë para lufte kosovarëve që largoheshin nga vendi Aruqi ka dashur ti riktheje nderin duke hapur dyert e dy hoteleve që i ka për t’i strehuar personat që nuk kanë shtëpi. Ai në emisionin “Frontal” në T7, ka thënë se e ka bërë këtë veprim për t’i ndihmuar gjermanët sikur ata kishin strehuar para lufte kosovarët që kërkonin azil në Gjermani.

“Në qytetin ku jetoj i kam dy hotele, dhe njerëzve që janë pa banim i kam mundësuar që të strehohen aty. Ju kam ndihmuar atyre sikur ata që na kanë ofruar neve strehim kur kemi ardhur për azil në Gjermani”, ka thënë Aruqi

Kosovari që jeton në Gjermani që nga viti 1995, ka thënë për T7 se edhe gjermanët janë habitur me veprimin e tij.

“Gjermanët me kanë falenderuar nga të gjitha anët, e kanë pa këtë gjest dhe ju ka ardhur mirë që një i huaj i ka ndihmuar gjermanëve. Gjermanët nuk janë mësuar prej një të huaji. Unë e kam bërë këtë veprim, sepse edhe vet kam qenë kështu pa strehim”, ka thënë Aruqi.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.