Dua Lipa duket se nuk do të shkruajë më shkronja të arta emrin e saj vetën në historinë e muzikës, por de fakto është shndërruar në një nga njerëzit më me ndikim në botë. Këtë e ka dëshmuar edhe me qëndrimet e saj ndaj figurave të njohura të politikës ndërkombëtare, sa edhe në mbrojtje të kauzave që lidhen me vendin e saj të origjinës Kosovën. Këtë e vërteten edhe revista “Time” e cila ka zgjedhur këngëtaren shqiptare për kopertinën e muajit mars, numër në të cilin do të publikojë listën e 100 liderëve të rinj që po formësojnë të ardhmen.

Ylli australian i Popit Kylie Minogue thotë për “Time”

“Dua Lipa është një yll i shndritshëm, që ndez një dritë verbuese në kozmosin e muzikës pop. Më pak se katër vjet më parë, ajo publikoi albumin e saj të parë (nga dy albumet që ka nxjerrë). Sot, ajo po vallëzon dorë për dore me zeitgeistin, (shpirtin e kohës që po jetojmë) pasi ka gdhendur vendin e saj në muzikën botërore, me precizionin e një lazeri. Unë hyra në orbitën e Dua-s nëntorin e kaluar kur u shfaqa si mysafire në koncertin e saj të transmetuar online Studio 2054. Produksioni ishte spektakolar dhe gjithëpërfshirës, disi një miks kohe, e ardhmja dhe e shkuara, me zërin e saj (i cili njihet menjëherë) të përjetësuar në të gjithë tekstet inteligjente të këngëve të saj.
Unë e di çdo të thotë të jesh në syrin e ciklonit, por në koncertin e Duas pata mundësinë të shihja në një kënd më të gjerë. Etika e saj e njohur në punë rrezatonte gjatë gjithë produksionit. “Ju duhet të punoni shumë për të pasur pak fat” i tha dikur babai i saj kur ajo ishte më e re. Duket se ajo e dëgjoi. Arritjet e saj janë gjithnjë e më të jashtëzakonshme duke pasur parasysh se ajo është 25 vjeç. Ajo është e mirë, e ftohtë dhe e zgjuar. Ajo është një yll i popit. Dhe unë, si miliona të tjerë, pres më shumë, madje edhe më shumë së më shumë, nga La Lipa”.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.