Këshilli Koordinues i Arsimtarëve në Diasporë ka uruar 13-vjetorin e Pavarësisë së Kosovës, duke përkujtuar sakrificat e atdhetarëve të cilët u gjetën në shërbim të atdheut.

“KKAD, e cila ka për synim unifikimin e shkollave shqipe në Diasporën shqiptare, fton të gjithë bashkëkombësit kudo ku janë: nxënës, mësimdhënës, prindër që të vihen në shërbim të gjuhës dhe shkollës shqipe, sepse ruajtja e gjuhës amtare dëshmon ruajtjen e identitetit kombëtar. Pra, duke e respektuar gjuhën amtare, ne respektojmë veten, flamurin, kombin…”, thuhet në mesazhin e kryetarit të saj, Vaxhid Sejdiu.

MESAZHI I PLOTE

Shqiptarë kudo që jeni, në emër të Këshillit Koordinues të Arsimtarëve në Diasporë ju urojmë Pavarësinë e Kosovës. Urime dhe Gëzuar, ditëlindjen e 13-të! – Kosova jonë e dashur!
Dhe sot në këtë ditë të shenjtë përkujtomë atdhetarët të cilët, në kohë dhe hapësirë u gjetën gjithmonë në shërbim të atdheut. Përkujtojmë luftëtarët e lirisë, të cilët në momentet më të vështira i dolën zot atdheut.
Përkujtojmë heronjtë dhe dëshmorët e kombit, dhe themi se gjaku i tyre është në themelin e shtetit të ri të Kosovës. Përpjekjet e atdhetarëve shqiptarë me shekuj kishin për qëllim çlirimin e trojeve shqiptare, dhe rikthimin e flamurit të Shqipërisë së Skënderbeut, Naimit Frashërit, Çerçiz Topullit, Ismail Qemalit, Isa Boletinit, Hasan Prishtinës, Adem Demaçit, Ukshin Hotit, Adem Jasharit, dhe të shumë dëshmorëve e heronjve të kombit që dhanë gjakun për liri.
KKAD-ë, e cila ka për synim unifikimin e shkollave shqipe në diasporën shqiptare, fton të gjithë bashkëkombësit kudo ku janë: nxënës, mësimdhënës, prindër që të vihen në shërbim të gjuhës dhe shkollës shqipe, sepse ruajtja e gjuhës amtare dëshmon ruajtjen e identitetit kombëtar. Pra, duke e respektuar gjuhën amtare, ne respektojmë veten, flamurin, kombin…
Gëzuar 17 Shkurtin-Pavarësinë e Kosovës! Gëzuar Ditëlindjen – Kosova jonë e dashur!
Këshilli Koordinues i Arsimtarëve në Diasporë (KKAD)
Dr. Vaxhid Sejdiu – kryetar

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.