Prej ditësh Shqipëria është mbërthyer nga moti i keq ku pas ndërprerjes së reshjeve, temperaturat janë ulur edhe më tepër.

Ndërkaq dogana e Qafë Thanës, që lidh Shqipërinë me Maqedoninë e Veriut qëndron e bllokuar që prej të dielës për shkak të reshjeve të dendura të borës, që në disa zona përreth ka arritur 1.5 metra.

Disa mjete u kthyen mbrapsht dhe kanë kaluar nga Tushemishti, ndërsa dhjetra të tjera janë në doganë dhe presin që të kalojnë në temperatura minus.

Policia e Qafë Thanës është shprehur se stuhia e ka bërë edhe më të vështirë situatën, ndërsa nga puna gjatë natës është hapur një korsi, ku mund të kalojnë mjetet 4×4.

Ndërkaq, Autoriteti Rrugor Shqiptar ka përditësuar informacionin lidhur me situatën e rrugëve për shkak të temperaturave mjaft të ulëta që kanë përfshirë vendin.

INFORMACION MBI GJENDJEN E AKSEVE KOMBËTARE

🌤Në rajonin Verior dhe Qendror reshjet kanë pushuar por në rajonin Jugor kanë vijuar deri në orët e para të mëngjesit 🌨
👉RAJONI VERIOR
Qarkullohet me zinxhirë:
Kukës-Bushtricë, Bicaj-Bushtricë, Domaj-Daj Reç, Trebisht –Doganë, Ura e Cerenecit–Klenjë.
👉RAJONIO QENDROR
Qarkullohet me zinxhirë:
Lunik–Fushë Studë, Rrugët e Dajtit, Krujë-Sarisalltik, Elbasan-Gjinar,Gramsh-Kodovjat, Mollë-Grabovë,Kryqëzim Zëmblak-Goricë.
👉RAJONI JUGOR
Vazhdon të jetë problematike segmenti Qafë Thanë-Dogana Qafë Thanë për shkak të mjeteve që kanë bllokuar rrugën. Në usekët e rrugës kalimi është me një korsi. Vijon puna edhe brenda territorit të doganës edhe në tokën neutral për pastrimin dhe kthimin në normalitet.
❄️Kushtëzuar nga reshjet dhe temperaturat e ulëta qarkullohet, me goma dimërore ose zinxhirë në orët e paradites.
Kontraktorët janë në terren për pastrimin e akseve dhe shpërndarjen e kripës.
⚠️Të gjithë drejtuesit e mjeteve të pajisen me goma dimri ose zinxhirë, të reduktojnë shpejtësinë, të respektojnë sinjalistikën 🚧⛔rrugore dhe udhëzimet e Policisë Rrugore.