Komisioni Qendror i Zgjedhjeve në Kosovë bën të ditur se ka përfunduar procesi i numërimit të votave. Sipas zëdhënësit të saj, Valmir Elezi ka thënë për se kanë mbetur edhe 19 vendvotime të dhënat e të cilave ende nuk janë publikuar në web-faqen e KQZ-së.

“Mbrëmë rreth mesnatës ka përfunduar procesi i numërimit në të gjithë vendin, nuk ka ndonjë vendvotim që ka mbetur pa u numëruar. Janë vetëm 19 prej tyre që të dhënat ende nuk janë transmetuar në ëeb-faqe”, tha Elezi për Klan Kosova.

Ndërkohë ai ka thënë se numërimi i votave nga iDaspora dhe ato me kusht do të fillojë brenda disa ditëve.

“Momentalisht në QNR jemi duke pranuar materiale të ndryshme zgjedhore nga komuna të ndryshme. Pastaj janë disa procedura siç është skanimi i listave përfundimtare të votuesve dhe brenda disa ditëve do të fillojmë procesin e numërimit të votave”, tha Elezi.

Ai shprehet në një lidhje për RTV Dukagjini se është e vështirë të dihet shpallja e rezultatit përfundimtar.

“Edhe pas shpalljes së rezultatit përfundimtar subjektet politike dhe kandidatët kanë të drejtë të ankohen”, shtoi ai.

Elezi thotë se këto zgjedhje ishin më mirë të organizuara nga ato paraprake edhe pse sipas tij ishin pak ditë në dispozicion për t’u përgatitur për procesin.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.