“Caraffa di Catanzaro” është e vetmja komunë arbëreshe në provincën Catanzaro ku flitet ende gjuha arbëreshe, dorëzuar gojarisht gjatë shekujve nga të mërguarit shqiptarë të cilët u vendosën në këtë zonë në shekullin e 15-të pas vdekjes së heroit shqiptar Gjergj Kastriot Skënderbeu dhe pushtimit të trojeve shqiptare.

Në këtë komunë arbëreshe ka udhëtuar azetari Arbër Agalliu i cili jeton në Itali prej kohësh, gjithashtu ndjek edhe zhvillimet jo vetëm kulturore, por edhe ato socio-ekonomike në komunitetin arbëresh në Itali.

Në Caraffa takova një shoqe të dashur, Cettina Mazzei, një grua e palodhur, e cila për mbi 30 vjet i ka kushtuar jetën e saj promovimit të gjuhës dhe kulturës arbëreshe.

Lexo edhe: Arbër Agalliu: Duhet të krijojmë më shumë lidhje mes Arbërisë dhe Shqipërisë

Cettina Mazzei tregon se gjuha arbëreshe mësohet vetëm në familje, por kohët e fundit interesi tek të rinjtë është në rënie. Sipas saj në Caraffa dëgjohet të flitet vetëm nga të moshuarit pavarësisht se aktivitetet mbi ruajtjen e traditave dhe kulturës arbëreshe nuk kanë munguar në këtë zonë.

“Jemi në Caraffa, një katund arbëresh i vogël. Caraffa ka 1300 banorë. Muralja pas meje prezanton jetën e De Radës. Është realizuar në vitin 2014, sepse De Rada ka lindur në 1814. Ngjyrat kryesore janë ngjyrat e flamurit kuq e zi, ndërsa shqiponjën e kemi bërë me ngjyrat e flamurit Italian”.

Cettina, e specializuar në historinë e kostumeve arbëreshë të Karafës dhe më gjerë, mund të përcaktohet si një urë e vërtetë kulturore midis Italisë dhe Shqipërisë./Arbër Agalliu, Albanian News/

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.