Shqipëria është përfshirë nga moti i keq dhe reshje të dendura shiu, duke sjellë probleme në disa zona të vendit, sidomos në qarkun e Shkodrës.
Ndërkaq, autoritetet portuale në Vlorë kanë njoftuar pezullim të lundrimeve të mjeteve të vogla dhe të peshkimit, për shkak të detit të egërsuar.
“Ne baze parashikimit te kushteve hidrometeorologjike per 48 oret oret ne vazhdim ju bejme me dije se deti dhe era kane te dhenat si me poshte : Perendim-VeriPerendim forca 4-5 bft 7-10m/s brenda gjirit te Vlores.
Perendim-VeriPerendim forca 5-6 deri 7 bft 10-50m/s ne det te hapur. Mjetet e vogla lundruese dhe ato te peshkimit jane te pezulluara. Transporti ndërkombëtar i udhetarve dhe mjeteve vazhdon normalisht pa nderprerje. Përmirësim i kushteve hidrometeorologjike do te jete ne daten 12.02.2021 ne oren 06:00 dhe oret në vazhdim”, thuhet ne njoftim.
Ndërkaq, qarku i Shkodrës vijon të ketë probleme me zona të përmbytura. Sipas Emergjencave Civile të Bashkisë së Shkodrës gjatë natës janë evakuar dhjetëra familje për shkak të prurjeve të mëdha nga shkarkimet e ujit.
Probleme ka pasur dhe me furnizimin me energji eletrike për shkak të motit të keq.
Punonjësit e OSSH janë duke punuar në zonën e Obotit për riparimin e defekteve në rrjetin elektrik si pasojë e motit të keq.”Zona e Shkodrës dhe e Vlorës janë ndër rajonet më të prekura nga defektet. kryesisht në zonat rurale”, thuhet në njoftimin zyrtar.
Bashkia e Shkodrës njoftoi se dhjetëra familje në lagjet veriperëndimroe të qytetit janë evakuuar gjatë gjithe natës për shkak të rrezikut të përmbytjes. Lumi Buna ka dalë nga shtrati si pasojë e reshjeve dhe liqeni po ashtu ka prurje të shumta. Edhe lumi Drin është fryrë dhe shkarkimet nga HEC-et vazhdojnë.
Bashkia tha se “gjatë 24 orëve të fundit ka rritje të nivelit të ujit nga prurjet, shkarkimet, reshjet në të gjithë territorin në Shkodër. Në territorin e bashkisë Shkodër, janë rritur së tepërmi nivelet e lumenjve.
Në orën 7.00 të ditës së sotme, lumi Buna ka dalë nga shtrati. Rritja e nivelit të liqenit ka krijuar vështirësi qarkullimi në disa lagje qytetit, duke rrethuar nga uji territorin që shtrihet në pjesën veriperendimore të qytetit si lagjet nr.1 dhe nr. 2, në Livadhe, Xhabije, Tophanë, Zoteknikë, shtëpitë në lagjen Tepe, Perash.
Ka rritje të prurjeve të lumit Drin.
Mbrëmë natës në qytetin e Shkodrës janë evakuuar nga shtëpitë e tyre në qytet mbi dhjetë familje tek të afërmit e tyre dhe në strehime të tjera.
Gjatë natë forcat zjarrëfikëse kanë punuar për largimin ujit nga shtëpitë të cilat kanë patur prezencë uji në oborre, duke parandaluar dëmtimin e disa banesave.
Situata e përmbytjeve në Dajç
Hidrometri shënon 6.98 cm , me një rritje prej 11 cm në hidrometrin e Dajçit, 25 cm në vendin e quajtur Urrela të Shirqit në krahasim me 1 ditë më parë. 1800 ha tokë bujqësore e përmbytur (fshatrat Darragjat, Shirq, Mushan, Suka-Dajç, Belaj, Rrushkull, Samrish i Ri, Pentar-zona fushore).
Rrugë të bllokuara Darragjat, Shirq, vendi i quajtur Urrelat e Shirqit lartësie e ujit arrin 150 cm në rrugë, shtëpi të përmbytura janë 6. Prezencë uji në oborre ka në 121 shtëpi: në Shirq 70, në Mushan 10, në Darragjat 11, në Belaj 9, në Rrushkull 12 dhe në Suka 9.
Është bërë e pamundur lëvizja me vetura në lagjien Mazija- Suka Dajç. Është e pakalueshme rruga kryesore e Darragjatit dhe vetëm me mjete të tonazhit të lartë mund të lëvizet.
Kërkohet ndërhyrje emergjente nga Bordi Rajonal Lezhë për të bërë të mundur mbylljen fundore të argjinatures së Darragjatit pasi uji vërshon në zonën e banuar. Kërkohet që të lihet në dispozicion një mjet ushtrie për komunikimin e banorëve me rrugën kryesore.
Qendrat shendetësore janë në gatishmëri, energji elektrike ka në gjithë zonën, por me shkëputje.
Në disa toka bujqësore lartësia e ujit arrin 2 metra. Nevoja për bazë ushqimore për gjënë e gjallë mbetet parësore.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
