Dua Lipa vijon të shijojë sukseset e albumit të saj “Future Nostalgia” teksa kënga e publikuar në tetor “Levitating” renditet në Top 5 në Shtetet e Bashkuara të Amerikës.
Ka qenë vetë këngëtarja me origjinë shqiptare që ka bërë të ditur suksesin e radhës në rrjetet sociale. Dua bën të ditur se shumë shpejt do të nxjerrë dhe një këngë të re.
“Levitating është në Top 5 në SHBA, muzikë e re vjen së shpejti”, shkruan Dua.
Së fundmi Dua ka marrë edhe një çmim të rëndësishëm në “Brit Awards”, atë të “Gold Single”
Dua Lipa vijon të kryesojë në top listat e këngëve më të dëgjuara, duke premtuar kështu të njëjtin sukses edhe në vitin e ri që sapo ka nisur.
Së fundmi, radioja “IHeart” ka publikuar një listë me këngët më të dëgjuara. Brenda kësaj liste është edhe këngëtarja shqiptare, Dua Lipa me 1 miliard dëgjime për këngën “Break My Heart”.
Kjo këngë është pjesë e albumit “Future Nostalgia”, i cili u publikua më 27 mars 2020, kohë gjatë së cilës mbarë bota ishte në karantinë.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.