Nga e hëna Bashkimi Europian ka shtuar kufizimet për vizitorët që vijnë jashtë vendeve të bllokut, duke lejuar vetëm ata që vijnë nga vende me shumë pak raste.

Diplomatët e BE-së thanë është rënë dakord në një takim në Bruksel mbi masat e reja për udhëtime nga vendet jo-BE, përfshirë Mbretërinë e Bashkuar. Dokumenti përshkruan udhëzimet e mëposhtme të BE-së për udhëtimet jo-thelbësore:

”Shtetet anëtare të BE-së inkurajohen të japin hyrje vetëm nën standarde të rrepta dhe pa kufizime të tilla si karantina e detyruar. Vizitorët duhet të vijnë nga vendet me 25 raste COVID-19 ose më pak për 100,000 në 14 ditë, dhe shkalla e infeksionit është më e ulët se në të gjitha vendet e BE-së. Frenimet e udhëtimit duhet gjithashtu të futen me shpejtësi në vendet ku është zbuluar incidencë e varianteve më infektive të koronavirusit,”– thotë teksti.

Sipas këtij dokumenti Shqipëria bën pjesë në listën e vendeve të cilat i ndalohet hyrja në BE pasi pavarësisht popullsisë së vogël numri i të infektuarve i tejkalon 25 persona në 100 mijë banorë. Po ashtu dhe Kosova e cila edhe pse ditët e fundit ka patur një ulje të ndjeshme të të infektuarve sërish e tejkalon numrin e parashikuar nga udhëzimet.

Marrëveshja vepron si një udhëzim për Shtetet anëtare, duke i lejuar ato të marrin vendimet e tyre përfundimtare mbi politikat specifike të kufirit. Disa vende anëtare të BE, të tilla si Gjermania, vendosin kufizime më të rrepta, por Belgjika ndalon udhëtimet jo-thelbësore deri në Mars, raportojnë mediat e huaja.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.