Emisioni “Shtëpia e Endrrave” ka realizuar një emision dedikuar mësimit të gjuhës shqipe në shkollën “Gjuha Jone” në Philadelphia. Në prezantimin e saj mësuese Rudina Bani, mësuese e klasës së tretë e shkollës shqipe “Gjuha Jonë” foli rreth vështirësive për të vijuar procesin mësimor gjatë periudhës së pandemisë.

“Viti 2020 ishte shumë i vështirë dhe rrezikohej procesi mësimor. Kryesia e Shoqatës në Philadelphia kërkoi ndihmën e biznesmenëve shqiptarë për të vijuar mësimin online në kohën e pandemisë, kërkesë e cila gjeti mbështetje të menjëhershme. Një ndihmë të veçantë kanë dhënë edhe prindërit të cilët ishin të gatshëm gjithmonë të komunikonin. Gjithashtu, dua të falenderoj dhe kolegët e mi, mësueset me një përvojë të gjatë pune që ndihmuan në vijimësinë e mësimit nëpërmjet platformës “Google Class Room”. Aktualisht në shkollën tonë mësojnë gjuhën shqipe 57 nxënës, por arritja më e madhe është se sot ka nxënës me përhapje të madhe gjeografike, gjë që e bëri të mundur mësimi online. Kemi nxënës nga New York, Kalifornia, Bostoni, New Jersey”, shprehet mësuese Rudina Bani.

Gjithashtu mësuese Bani ka një kërkesë për prindërit: “Një thirrje kisha për të gjithë prindërit: Ju lutem prindër flisni shqip me fëmijët. Mos harroni shprehjen e madhe të “Në gjuhë të huaj shkruaj dhe flas, por kur më dhemb zemra shqip bërtas”.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.