Reshjet e dendura të shiut kanë sjellë sërish probleme në Shqipëri. Zona më të prekura janë qarku i Shkodrës dhe ai i Elbasanit.
Në Shkodër mësohet se është bllokuar rruga Muriqan-Goricë, ndërsa aksi i Obotit nuk kalohet as me makina të ushtrisë.
Po ashtu, raportohet se në Dajç ka rritje të sipërfaqes së përmbytur dhe prezence më të madhe të ujit rreth banesave. Deri më tani 1350 ha tokë bujqësore rezulton e përmbytur (fshatrat Darragjat, Shirq, Mushan, Suka-Dajç, Belaj, Pentar).
Ademi ka bërë me dije se është bllokuar dhe rruga Darragjat-Shirq, vendi i quajtur Urrelat e Shirqit, ndërsa lartësia e ujit arrin në 130-150 cm. Ndërkohë që ka prezencë të ujit në oborret e 80 banesave, ndërsa Ademi apelon se duhet të shpallet gjendja e jashtëzakonshme dhe të ndërhyhet për të dhënë ndihmë për ushqime për banorët por edhe për kafshët.
Raportohet se një 5-vjeçare me probleme shëndetësore është transporuar me varkë pasi as mjette mjetet e ushtrisë nuk mund të shkonin në fshatin ku ajo banon për shkak të përmbytjeve. Vajza ka paraqitur probleme shëndetësore që prej mbrëmjes së kaluar me të vjella dhe dhimbje barku. Por për shkak të errësirës dhe stuhisë ka qenë i pamundur transportimi ndaj u bë ditën e sotme. Fëmija u dërgua në spitalin e Shkodrës ku ndodhet nën kujdesin e mjekëve.
Ndërkaq, në Elbasan, sipas emergjencave civile të qarkut, ka pasur reshje shiu me intensitet mesatar dhe nga Shërbimi Meteorologjik bëhet e ditur se gjatë 24 orëve ka rënë 46mm shi.
Ka pasur prani të inerteve, gurëve e aluvioneve në shume prej akseve rrugore si dhe disa shembje në akset rrugore Elbasan-Qafë Thanë dhe Kryq Shirgjan-Llixhë, (rruga e vjetër Elbasan-Gramsh).
Firmat kontraktuese kanë marrë masat dhe kanë pastruar akset rrugore nga materialet e rëna. Po punohet aktualisht në aksin rrugor Gramsh-Poroçan në të cilën ka shembje rruge dhe është krijuar problem në qarkullimin e mjeteve.
Lumenjtë dhe përrenjtë kanë prurje që nuk janë problematike. Nga hidrocentrali i Banjës po bëhen shkarkime me 50m3/sek, kështu që bashkë me prodhimin ka 150m3/sek shkarkime në lumin Devoll.
Në furnizimin me energji elektrike ka ndërprerje të energjisë në disa pjesë të Njësisë Administrative Lunik, Orenjë në bashkinë Librazhd, në NJA Tregan, NJA Shirgjan bashkia Elbasan, NJA Gostimë, Cërrik dhe fidri që furnizon zonën e Mokrës. Janë duke punuar punonjësit e OSHEE për riparimin e defekteve.
INSTITUCIONIT TE PREFEKTIT TË QARKUT SHKODËR
SHKODËR
Nga monitorimi periodik në terren ditën e sotme datë 01.02.2021,ora 08.30, situata e përmbytjeve në terren vazhdon të jetë si më poshtë:
•Hidrometri në Dajç në orën 08.30, shënon kuotën 6.60 m.(Kuota max 6.30 m). Në krahasim me raportimin e ditës së djeshme kemi rritje të nivelit të ujit me 10cm.
•Hidrometri i Liqenit të Shkodrës në orën 08.30,shënon kuotën 8.87 m.(Kuota max 8.70 m). Në krahasim me raportimin e ditës së djeshme kemi rritje të nivelit të ujit me 5cm.
•Hidrometri i lumit Drin në orën 08.30,shënon kuotën 7.20m. (Kuota max 7.50 m). Në krahasim me raportimin e ditës së djeshme kemi rritje të nivelit të ujit me 15 cm.
•Lumit Kir ka prurje të shumta.
Bashkia Shkodër
Siperfaqe totale e përmbytur 3005 Ha
- Tokë e pakultivuar 605 Ha
- Foragjere të dyta, jonxhe 2120 Ha
- Grurë 150 Ha
- Bimë Dekorative 87 Ha
- Pemtore 40 Ha
- Sera 3 Ha
Nj.A. Ana e Malit
1.Rruga e Obotit është e pa kalueshme me mjete të larta. Niveli i ujit mbi rrugë arrin rreth 110-120 cm.
2.Në fshatin Obot ka presence uji në oborre 60cm.
3.Ujësjellësi Oblika 1,si pasojë e përmbytjeve është jasht funksionit.
4.UKSH Vazhdon të furnizojë me ujë të pishëm banorët e fshatit Oblikë
5.Rruga e Goricës ka presence uji rreth 40 cm mbi sipërfaqe
6.Sipërfaqja e tokës bujqësore e përmbytur vlerësohet në 1250 Ha, kryesisht në fshatrat Obot, Muriqan,Oblikë
•Tokë e pakultivuar 220 Ha
•Foragjere të dyta, jonxhe 940 Ha
•Grurë 45 Ha
•Pemtore 35 Ha
•Bimë dekorative 7 Ha
•Sera 3 Ha
Nj.A Dajç
1.Sipërfaqja e tokës bujqësore e përmbytur vlerësohet në 1350 Ha, kryesisht në zonën e quajtur “Këneta e Dajçit” (fshatrat Mushan, Shirq, Suka-Dajç, Belaj, Darragjat, Pentar), nga të cilat:
•Tokë e pakultivuar 290 Ha
•Foragjere të dyta, jonxhe 885 Ha
•Grurë 95 Ha
•Bimë dekorative 80 Ha
- Rruga që lidh fshatrat Shirq- Darrgjat është e bllokuar. Ka prezencë uji me mbi 130-150 cm
- 80 shtëpi kanë prezencë uji në oborre.
- Kemi prezencë ujit në rrugët e brëndshme të fshatrave Shirq dhe Mushan.
Nj.A.Velipojë
Sipërfaqja e tokës bujqësore e përmbytur vlerësohet në 110 Ha.Kryesisht fshatrat Baks i RI, Luarz. Ças.
•Tokë e pakultivuar 30 Ha
•Foragjere të dyta, jonxhe 80 Ha
Nj. A. Guri i Zi
Vazhdon gerryerja e tokës bujqësore nga lumi Drin në vendin e quajtur Mali i Vukatanit, fshati Ganjollë.
Nj.A.Bërdicë
Sipërfaqja e tokës bujqësore e përmbytur vlerësohet në 200 Ha, konkretesht në fshtrat Trush,Berdicë e Siperme, Berdice e Madhe.
Vazhdon gërryerja e tokës bujqësore nga lumi Drin në vendin e quajtur Harku i Bërdicës, fshati Bërdicë e Sipërme.
•Te pakultivuara 40 Ha
•Foragjere të dyta, jonxhe 150 Ha
•Grurë 10 Ha
Nj.A.Rrethinat
Sipërfaqja e tokës bujqësore e përmbytur vlerësohet në 95 Ha, në fshatrat Zues (tokat në fushen e Oblikës), Shtoj i Vjeter, Shtoj i Ri dhe Dobraç
•Tokë e pakultivuar 25 Ha
•Foragjere të dyta, jonxhe 65 Ha
•Pemtore 5 Ha
-Bashkia Shkodër në kushtet e ndodhura, në referencë të Ligjit Nr.45/2019 “Për Mbrojtjen Civile ”, kërkon shpalljen e gjendjes së fatkeqësisë natyrore, për Nj.A. Ana e Malit dhe Dajç.
-Kërkohet që nga Drejtoria e Ujitjes dhe Kullimit Lezhë të ndërhyet për marrjen e masave për pastrimin e “përroit të kufirit” Muriqan në Nj.A Ana e Malit.
-Kërkohet mbështetje me baze ushqimore për gjënë e gjallë ( koncentrat) për NJ.A. Ana e Malit , Dajç dhe Rrethina për një sasi 500 ton.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
