Futbollisti shqiptar Vedat Muriqi më në fund rigjen lumturinë në sport. Sulmuesi shqiptar e mbylli ndeshjen kundër Atalanta duke vendosur rezultatin në 3-1.

Për “Lazio Style Radio” në fund të ndeshjes, futbollisti shqiptar Muriqi u shpreh:

“Gjëja më e rëndësishme ishte fitorja, goli im llogaritet me objektivin e ekipit. Unë jam një sulmues, nëse realizoj fitoj besim. Kalova një moment të komplikuar midis COVID dhe lëndimeve, nuk ishte e lehtë. Tani ndihem shumë mirë fizikisht, po bëj mirë dhe kjo është e rëndësishme për mua dhe për ekipin. Punoj shumë, bëj më të mirën time si kur luaj 90 minuta ashtu edhe 5. Kur ke sulmues si Immobile dhe Correa pranë, gjithçka është më e thjeshtë. Kujt ia kushtoj golin tim të parë në Serie A? Familjes time dhe fëmijëve të mi, shpresoj që nuk është i fundit por i pari”.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.