Përfaqësuesja e shoqatës “Shqiponja të Mëndafshta” Kristina Blushi ka realizuar një intrvistë me gazetaren italiane Chiara Curci në emisionin “Focus Società”. Gjatë intervistës shqiptarja Kristina Blushi ka folur rreth angazhimit saj vullnetar në projektin “Alter Ego” dedikuar emigrantëve që jetojnë në kamp. Ky projekt është ideuar nga vetë Kristina dhe dy kolegë të saj italianë. Ata kanë dërguar disa aparate fotografik në kampin e refugjatëve dhe i kanë kërkuar atyre të realizojnë foto nga jeta e tyre e përditshme.

Lexo edhe: “Shqiponjat e Mëndafshta”, një urë lidhëse mes Shqipërisë dhe Italisë

“Një projekt që kam ideuar me dy miq të mi italianë, menduam të dërgonim për 4 mijë emigrant disa aparate fotografikë dhe ata do të realizonin foto dhe video dhe ne do të shikonim realitetin e tyre pikërisht përmes shkrepjeve që ata vetë do të realizonin. Ata realizuan shumë foto, jo vetëm në kamp, por edhe në vende të tjera, rrugës për në punë, ambiente të tjera. Kjo për arsye se ato duan të na tregojnë se duan të integrohen në shoqërinë italiane. Disa kishin gjetur punë, të tjerë tregonin rreth ëndrrave që kishin, e deri tek dëshira për të mbaruar studimet dhe krijuar familje.”

Kristina Blushi është gjithashtu e angazhuar në shoqatën “Shqiponjat e Mëndafshta”, një shoqatë dedikuar grave emigrante në Bari të Italisë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.