Ambasada e Republikës së Shqipërisë në Athinë njofton të gjithë shtetasit të cilët kanë kryer aplikim për dokumente biometrikë (pasaportë dhe kartë identiteti) nga data 01.01.2019 deri në datën 31.12.2019, kanë afat kohor për tërheqjen e tyre deri më 30 prill 2021. Afati kohor i tërheqjes të dokumenteve biometrike për aplikimet e kryera gjatë kësaj periudhe është shtyrë për shkak të situatës së krijuar të pandemisë.

Gjithashtu në Zyrën Konsullore kanë mbërritur Pasaportat dhe Kartat e Identitetit për aplikimet e kryera deri në datën 08 janar 2021. Të gjitha dokumentet biometrike për të cilat qytetarët kanë përfunduar aplikimin në Ambasadë deri më 08 janar 2021 dhe kanë plotësuar deklaratën me përgjegjësi për dërgimin e tyre me postë, janë dërguar nga Zyra Konsullore dhe pritet t’u dorëzohen në adresën e deklaruar të vendbanimit të tyre, në ditët në vijim.

Tërheqja e dokumenteve biometrike do të kryhet edhe nëpërmjet shërbimit postar, për të gjitha kërkesat e administruara në postën tonë elektronike [email protected], ku duhet të jenë specifikuar saktësisht të dhënat e kërkuesit dhe adresa e plotë e shtëpisë.

Në njoftim i rikujtohet shtetasve se sporteli i shpërndarjes do të shërbejë çdo ditë pune, nga ora 08:00 deri në orën 15:00, sipas mbiemrit të aplikantëve dhe ditëve si më poshtë:

– Ditë e Martë 26.01.2021 = “A” deri “B”

– Ditë e Mërkurë 27.01.2021 = “C” deri “D”

– Ditë e Enjte 28.01.2021 = “DH deri “H”

– Ditë e Premte 29.01.2021 = “I deri “K”

– Ditë e Hënë 01.02.2021 = “L” deri “M”

– Ditë e Martë 02.02.2021 = “N” deri “Q”

– Ditë e Mërkurë 03.02.2021 = “R” deri “SH”

– Ditë e Enjte 04.02.2021 = “T” deri “ZH”.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.