Azra është një emër i ri në tregun muzikorë. Ajo nisi fillimisht të këndojë cover-a nga emra të njohur të muzikës, për të krijuar më pas këngët e saj.  Prej shumë vitesh jeton në Lion të Francës, por për realizimin e këngëve dhe klipeve kthehet herë pas herë në Kosovë. Në një intervistë për “Wake Up” Azra tregon arsyen pse i pëlqen të këndoj shqip.

“Edhe pse jetoj në Francë nuk e gjej veten të këndoj në gjuhën franceze, pasi mendoj se zëri im tingëllon më mirë kur këndoj shqip. Kënga më e fundit “Ka Je” u realizua në një moment krejt spontan dhe nuk e mendova se do ketë kaq shumë sukses. Kënga e parë ka qenë baladë dhe doja të sillja diçka më ritmike. Kur realizova këtë këngë e kuptova se ky zhanër më shkon shumë, por dua tí eksperimentoj të gjithë zhanret.”

Ajo tregon se në Francë jeton me familjen dhe në këngën e saj të mëparshme ka eksperimentuar të këndoj edhe në gjuhën frënge. “Në Francë jetoj me familjen time dhe vij në Kosovë shpesh për të punuar projekte të reja. Përveç këngës më pëlqen edhe kërcimi dhe mundohem tí shoqëroj këngët edhe me kërcim. Edhe pse jetoj në Francë, muzika shqiptare më pëlqen më shumë. Kam kënduar edhe një pjesë të një këngë frëngjisht, por mendoj se nuk më pëlqen se si tingëllon zëri im kur këndoi frëngjisht. Nuk e përjashtoj mundësinë që me kalimin e kohës mund të këndoj edhe në frëngjisht.”

Azra tregon se dëgjon të gjithë zhanret e muzikës dhe momentalisht po punon për një projekt të ri. “Unë i dëgjoi të gjithë zhanret e muzikës dhe mundohem të marr pak ide nga të gjithë. Po punoj një këngë të re dhe shpresoj të mirëpritet.”

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.