Dua Lipa pati kulmin e suksesit në vitin që lamë pas duke shënuar një sërë arritjesh dhe daljen e albumit të saj “Future Nostalgia”.
Këto suksese dhe gjashtë nominimet “Grammy” artistja me origjinë shqiptare i ka rrëfyer në një intervistë për Jimmy Kimmel.
Ai e pyet nëse është supersticione dhe sa e emocionuar është që do të performojë në “Grammy” dhe përgjigja e duas ishte se deri në një farë mase është supersticioze duke shpjeguar se lidhet edhe me faktin se është shqiptare. “Vjen me territorin”, tha ajo.
Kimmel u bë kurioze për këto bestytni të shqiptarëve duke i kërkuar Duas të tregojë disa prej tyre. “Në familjen time ka supersticione të tilla si: Mos hidh plehrat natën, mos laj rrobat ditën e premte, nëse të kruhet hunda do bëhesh me nerva dhe duhet të prekësh prapanicën tre herë që mos të ndodhë””, thotë ajo duke qeshur.
“Nëse të kruhet dora e majtë do marrësh para, nëse të kruhet dora e djathtë do humbasësh para”.
Më pas ajo shton, “Në mënyrë që të mos kapë syri i keq për ndonjë ditë të veçantë të jetës tënde, duhet të veshësh të brendshmet mbrapsht”.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.