Në Itali vijojnë të vendosen masa të reja nga autoritetet në përpjekje për të ngadalësuar përhapjen e koronavirusit në vend.

Pothuajse e gjithë Italia është në zonën portokalli të ndalimit të lëvizjes mes rajoneve deri më 15 shkurt, ndërkohë që Lombardia dhe Siçilia do të jenë zona e para që nga e diela do të hyjnë në zonë të kuqe.

Ndryshimet e fundit të qeverisë italiane hyjnë në fuqi nga dita e nesërme 16 janar. Vijon të mbetet në fuqi orari i kufizimit të daljes nga ora 22.00-5.00 të mëngjesit, shkollat e mesme me mësimin në distancë dhe nga e hëna shtrëngim masash për të hyrë në zona të kufizuara. Kështu thotë dekreti i miratuar të mërkurën.

Në bazë të numrit të infektimeve, pothuajse të gjitha rajonet hyjnë në zonën portokalli, dhe në zonë të kuqe me shumë gjasë do të jetë Lombardia dhe Siçilia.

Deri më 5 mars, rregulli në fuqi lejon vetëm një herë në ditë maksimumi dy persona për vizita private të miqve, përveç fëmijëve nën 14 vjeç që jetojnë së bashku. Gjithashtu deri më këtë datë lejohet lëvizja në rajonet portokalli dhe komuna me një popullsi jo më shumë se 5 mijë banorë dhe një distancë prej jo më shumë se 30 km.

Baret dhe restorantet do qëndrojnë të hapura deri në orën 18.00 dhe kjo është një nga masat më të kritikuara në Itali. Edhe resortet e skive qëndrojnë të mbyllura deri më 15 shkurt, palestrat dhe pishinat e mbyllura. Kthehen kroçerat, muzetë në zonat e verdha rihapen. Dekreti përmban dhe atë që quhet “zonë e bardhë” ku kufizimet e vetme janë distanca dhe përdorimi i maskës por sipas të dhënave do të duheshin muaj që të arrihej kjo zonë, ku duhet që për tre javë resht incidenca të jetë 50 raste për 100 mijë banor dhe një rrezik i ulët.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.