Holanda do të zgjasë periudhën e kufizimeve për parandalimin e pandemisës COVID-19 deri më 9 shkurt. Njoftimi është bërë nga kryeministri holandez Mark Rutte.
Ai thotë se zgjatet koha e kufizime në përpjekje për të frenuar pandeminë, ndërkohë që numri i infektimeve vijon të jetë i lartë.
“Nuk mendoj se do t’ju befasoj shumë sonte, bllokimi është zgjatur edhe për tri javë”, tha Rutte në një konferencë për shtyp në televizion.
“Pothuajse të gjithë duhet ta kuptojnë se nuk kishte zgjidhje tjetër”, shtoi ai.
Kufizimet pritej të hiqeshin më 19 janar. Gjithashtu, Rutte vuri në dukje se qeveria po konsideron edhe vendosjen e një orari shtetrrethimi dhe se për këtë po bashkëpunon me autoritetet e shëndetit publik.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
